മലയാളി ഒരിക്കലും മറക്കാത്ത പേരാണ് സിസ്റ്റര്‍ ലിനി. മാലാഖയെപ്പോലെ മണ്‍മറഞ്ഞുപോയ ഒരു പെണ്‍മനസും, ആ ജീവിതവും മലയാളി നെഞ്ചിലേറ്റിയതാണ്. ഇന്നും അതൊനു നോവായി ബാക്കി നില്‍ക്കുന്നു.
രോഗികളെ പരിചരിക്കുന്നതിനിടെ നിപ വൈറസ് ബാധിച്ചായിരുന്നു ലിനി മരിച്ചത്. അവസാനം വരേയും പോരാടിയായുരുന്നു ലിനിയുടെ വിയോഗം. രോഗികളെ പരിചരിക്കാനും അവര്‍ക്ക് വേണ്ടി പ്രാര്‍ത്ഥിക്കാനുമെല്ലാമുള്ള മനസുണ്ടായിരുന്നു ലിനിക്ക്. ലിനിയുടെ മക്കളും ഭര്‍ത്താവുമെല്ലാം മലയാളികള്‍ക്ക് സുപരിചിതരാണ്. ഇപ്പോള്‍ ഫ്ളവേഴ്സ് ഒരുകോടിയിലേക്ക് കുടുംബസമേതമായെത്തിയിരിക്കുകയാണ് ലിനിയുടെ ഭര്‍ത്താവ് സജീഷ്.
അടുത്തിടെ സജീഷിന്റെ വിവാഹം കഴിഞ്ഞിരുന്നു. സജീഷിന്റെയും മക്കളുടേയും ജീവിതത്തിലേക്ക് പ്രതിഭ എത്തിയത് അടുത്തിടെയാണ്. ആദ്യകാഴ്ചയില്‍ തന്നെ മക്കള്‍ പ്രതിഭയെ അമ്മേ എന്നാണ് വിളിച്ചതെന്ന് സജീഷ് വ്യക്തമാക്കിയിരുന്നു. റിതുലിനും സിദ്ധാര്‍ത്ഥിനും അമ്മയും ചേച്ചിയുമായി ഇവരൊപ്പമുണ്ടാവുമെന്നായിരുന്നു കുറിപ്പ്. നിരവധി പേരായിരുന്നു സജീഷിനും പ്രതിഭയ്ക്കും ആശംസകള്‍ അറിയിച്ചെത്തിയത്. ഇവരുടെ വിവാഹചിത്രങ്ങളും വിശേഷങ്ങളുമെല്ലാം വൈറലായിരുന്നു. വെള്ളിയാഴ്ച രാത്രിയാണ് പരിപാടിയുടെ മുഴുനീള എപ്പിസോഡ് സംപ്രേഷണം ചെയ്യുന്നത്. ലിനിയുടെ മരണത്തെക്കുറിച്ചും കുടുംബാംഗങ്ങളെപ്പോലും കാണിക്കാതെ മൃതദേഹം സംസ്‌കരിക്കേണ്ടി വന്നതിനെക്കുറിച്ചുമെല്ലാം സജീഷ് പരിപാടിയില്‍ സംസാരിക്കുന്നുണ്ട്.
എത്രയും പെട്ടെന്ന് അത് നല്ല രീതിയില്‍ സംസ്‌കരിക്കണം എന്ന് തന്നെയായിരുന്നു. അത് അവരെയൊന്നും കാണിക്കാതിരുന്നത് ഞാന്‍ ചെയ്ത ഏറ്റവും നല്ല കാര്യമായാണ് ഞാന്‍ ഇന്നും വിചാരിക്കുന്നത്. ലിനിയെ ആ ഒരു മുഖത്തോട് കൂടി അമ്മയോ മക്കളോ കണ്ടിട്ടുണ്ടാവില്ല. അവസാന നാളുകളിലെ ലിനിയെ കാണാന്‍ പറ്റില്ലായിരുന്നു. ഓര്‍മ്മകളില്‍ എപ്പോഴും ആ ചിരിച്ച മുഖം തന്നെയാണ് ഉള്ളതെന്നുമാണ് സജീഷ് പറയുന്നത്.
അമ്മ സ്വര്‍ഗത്തിലാണെന്ന് മൂത്ത മകന്‍ ഇളയ മകനോട് പറഞ്ഞുകൊടുക്കാറുണ്ട്. ആകാശത്തിന് മേലെയാണ്, വിമാനത്തില്‍ പോയാല്‍ നമുക്ക് അവിടെ എത്താനാവില്ല. അതിന്റെയും മുകളിലാണ് എന്നാണ് അവന്‍ പറയാറുള്ളത്. എല്ലാവരുടേയും മനസില്‍ മാലാഖയാണെങ്കില്‍ എന്റെ മനസില്‍ ദൈവമാണ് ലിനി എന്നായിരുന്നു പ്രതിഭ പറഞ്ഞത്.
Recent Comments