ഗായികയായ അമൃത സുരേഷിന്റെ സഹോദരിയാണ് അഭിരാമി സുരേഷ. അഭിരാമിയും ഗായികയാണ്. അതേ സമയം താരം യൂട്യൂബ് ചാനലിലൂെ തന്റെ വിശേഷങ്ങള്‍ പങ്കിടാറുണ്ട്. എജി വ്ളോഗ്സില്‍ മാത്രമല്ല എന്റെ ചാനലിന് വേണ്ടിയും വീഡിയോ എടുക്കുന്നുണ്ടെന്ന് പറഞ്ഞായിരുന്നു കഴിഞ്ഞ ദിവസം അഭിരാമി മൊബൈലെടുത്തത്.
ഗോപി സുന്ദറിനും അമൃതയ്ക്കുമൊപ്പമായി ഗള്‍ഫ് ഷോയിലേക്ക് പോയതും, പാപ്പുവിന് പിറന്നാള്‍ സര്‍പ്രൈസ് നല്‍കിയതിനെക്കുറിച്ചും കൂട്ടുകാര്‍ക്കും വീട്ടുകാര്‍ക്കുമൊപ്പമുള്ള പിറന്നാളാഘോഷത്തിന്റെയുമെല്ലാം വീഡിയോ അഭിരാമി പങ്കുവെച്ചിരുന്നു. അതേ സമയം തന്റെ മോശം ശീലത്തെക്കുറിച്ച് പറഞ്ഞുള്ള വീഡിയോയും അഭിരാമി പങ്കിട്ടിരുന്നു. ഇത് ഇപ്പോള്‍ സമൂഹമാധ്യമങ്ങളില്‍ വലിയ ചര്‍ച്ചായിരിക്കുകയാണ്.
ഞാന്‍ എന്റെ തന്നെ മുഖം കാണാന്‍ പോവുന്നേയുള്ളൂവെന്നും പറഞ്ഞായിരുന്നു അഭിരാമി സംസാരിച്ചത്. ഒരുകാര്യം പറയാനിരിക്കുന്നതിനിടയില്‍ രണ്ടും മൂന്നും കാര്യങ്ങള്‍ മനസിലേക്ക് വരുന്നൊരു അവസ്ഥയുണ്ട്. വളരെ മോശവും ചെയ്യാന്‍ പാടില്ലാത്തതും ഇച്ചീച്ചിയുമായിട്ടുള്ളൊരു ശീലമുണ്ട് എനിക്ക്. ഞാനത് മാറ്റാനുള്ള ശ്രമത്തിലാണ്. ഭയങ്കരമായി ടയേര്‍ഡായിട്ടുള്ള അവസരങ്ങളില്‍ മാത്രമേ ഞാനിപ്പോള്‍ അങ്ങനെ ചെയ്യുന്നുള്ളൂവെന്നുമായിരുന്നു അഭിരാമി പറഞ്ഞത്. ഉറക്കമെണീറ്റ് കഴിഞ്ഞാല്‍ പിന്നെയും പിന്നെയും ഉറങ്ങിക്കൊണ്ടിരിക്കുന്ന പരിപാടി. രാവിലത്തെ കാര്യമാണ്. എഴുന്നേല്‍ക്കുന്നത് ഒരുപക്ഷേ, നേരത്തെയായി പോവുകയാണെങ്കില്‍, എന്തെങ്കിലും ശബ്ദമൊക്കെ കേട്ട് എഴുന്നേല്‍ക്കുകയാണെങ്കില്‍ പിന്നെയും നമ്മള്‍ മന:പ്പൂര്‍വ്വം നമ്മളെത്തന്നെ പിടിച്ച് ഉറക്കുന്നൊരു പരിപാടിയുണ്ട്. ശരീരത്തിന് വളരെ മോശമായ കാര്യമാണത്. നമ്മുടെ കാര്‍ഡിയോ വാസ്‌കുലര്‍ സിസ്റ്റത്തിന് കാര്യമായി പണികിട്ടും. ശരീരത്തിനും നല്ലൊരു ബയോളജിക്കല്‍ ക്ലോക്കുണ്ട്.
എനിക്കുള്ള പോലത്തെ ഇച്ചീച്ചി സ്വഭാവങ്ങളുണ്ടെങ്കില്‍ അത് മാറ്റണമെന്നുമായിരുന്നു അഭിരാമി പറഞ്ഞത്. എല്ലാം കൃത്യമായി ചെയ്യുന്നവര്‍ക്കുള്ള വീഡിയോ അല്ല ഇത്. അതിനാല്‍ത്തന്നെ വീഡിയോയുടെ ക്യാപ്ഷനും അങ്ങനെയായിരിക്കും ചെയ്യാന്‍ പോവുന്നതെന്നും അഭിരാമി സുരേഷ് വ്യക്തമാക്കിയിരുന്നു. എന്നെപ്പോലെ നിങ്ങള്‍ക്കും ഈ മോശം ശീലമുണ്ടോയെന്നായിരുന്നു വീഡിയോയ്ക്ക് അഭിരാമി നല്‍കിയ ക്യാപ്ഷന്‍.
Recent Comments