പേളി മാണിയെ അറിയാത്തവര്‍ കുറവാണ്, കൈവെച്ച എല്ലാ മേഖലയിലും മികവ് കാണിക്കാന്‍ പേളിക്ക് കഴിഞ്ഞിട്ടുണ്ട്. അവതാരക, അഭിനേത്രി, വ്ലോഗര്‍ എന്നിങ്ങനെ ബിഗ് സ്‌ക്രീനിലും മിനിസ്‌ക്രീനിലും സോഷ്യല്‍ മീഡിയയിലും ഒരുപോലെ തിളങ്ങിയ അതുല്യപ്രതിഭയാണ് പേളി മാണി. അജിത് നായകനായ വാലിമൈയില്‍ എന്ന സിനിമയില്‍ പേളി അഭിനയിച്ചിരുന്നു. ചെറിയ കഥാപാത്രം ആയിരുന്നെങ്കിലും ശ്രദ്ധനേടാന്‍ പേളിക്ക് കഴിഞ്ഞിരുന്നു. തെന്നിന്ത്യയിലെ സൂപ്പര്‍ താരത്തോടൊപ്പം ഒരുമിച്ച് അഭിനയിച്ചതിന്റെ അനുഭവം പങ്കുവയ്ക്കുകയാണ് പേളി ഇപ്പോള്‍.
പേളി മാണിയുടെ വാക്കുകള്‍ ഇങ്ങനെയായിരുന്നു. സിനിമയിലെ എന്റെ ആദ്യ സീന്‍ തന്നെ അജിത് സാറിന് ഒപ്പമായിരുന്നു. ലൈവ് റെക്കോര്‍ഡിങ് ആയിരുന്നു ഒരു മുഴുനീള തമിഴ് ഡയലോഗ് ഒക്കെ തന്നിട്ട് എന്നോട് പറയാന്‍ പറഞ്ഞു. മേക്കപ്പ് റൂമിലോക്ക് ഇരുന്ന് ഞാന്‍ പഠിച്ചു. എനിക്ക് ഒപ്പം ചൈത്ര റെഡ്ഢിയും ഉണ്ട്. ഞങ്ങള്‍ ഒന്നിച്ചാണ് സീനില്‍. രണ്ടുപേരും ആദ്യമായി അജിത്തിനെ കാണുന്നതിന്റെ എക്‌സൈറ്റ്‌മെന്റിലാണ്, അങ്ങനെയിരിക്കെ ഒരു സിംഹമൊക്കെ കയറി വരുന്ന പോലെ അജിത് സാര്‍ കയറി വന്നു. ആ റൂം മുഴുവന്‍ നിശബ്ദമായി. പ്രൊഡക്ഷനിലെ ലൈറ്റ് ബോയ് ഉള്‍പ്പെടെ എല്ലാവരുടെയും തോളില്‍ തട്ടി എല്ലാവരോടും ഒരുപോലെ ഇടപഴകി ആണ് കയറി വരുന്നത്. പിന്നെ ഞങ്ങളുടെ അടുത്തെത്തി പേര് ചോദിച്ചു. രണ്ടാം ദിവസം ഞങ്ങളെ കണ്ടപ്പോള്‍ അദ്ദേഹം ഞങ്ങളുടെ പേര് മറന്നിരുന്നില്ല എന്നതാണ് പ്രധാന കാര്യമെന്നും പേളി പറഞ്ഞു.
നമുക്ക് ഇരിക്കാന്‍ കസേരയിലെങ്കില്‍ അദ്ദേഹവും ഇരിക്കില്ല. സ്ത്രീകള്‍ക്ക് എല്ലാവര്‍ക്കും ഇരിക്കാന്‍ സീറ്റുണ്ടെങ്കിലേ അദ്ദേഹം ഇരിക്കുകയുള്ളു. അദ്ദേഹം നിന്നിട്ട് ഞങ്ങളെ ഇരുത്തിയിട്ടുണ്ട്. അതുപോലെ ഷോട്ടിനിടയില്‍ കാരവാനില്‍ പോയിരിക്കുന്നത് ഞാന്‍ കണ്ടിട്ടില്ല. അദ്ദേഹം അവിടെ സ്റ്റെപ്പിലോ ഒക്കെ ഇരുന്ന് ഫോണ്‍ നോക്കാറാണ് പതിവ്. എപ്പോഴും വളരെ റിലാക്‌സ്ഡ് ആണ്. നമ്മളില്‍ ഒരാളായി തോന്നുമെന്നും പേളി പറഞ്ഞു.
പേളിയെ പോലെ തന്നെ പ്രേക്ഷകര്‍ക്ക് പ്രിയങ്കരനാണ് ഭര്‍ത്താവ് ശ്രീനീഷും മകള്‍ നിലയും. മിനിസ്‌ക്രീനിലൂടെ ശ്രദ്ധേയനായ ശ്രീനിഷ് ബിഗ് ബോസ് വീട്ടില്‍ വെച്ചാണ് പേളിയുമായി പ്രണയത്തിലാവുന്നത്. മലയാളി പ്രേക്ഷകര്‍ ആഘോഷമാക്കിയ പ്രണയമായിരുന്നു ഇവരുടേത്. ബിഗ് ബോസ് ഷോ പൂര്‍ത്തിയായി അധികം വൈകാതെ തന്നെ ഇരുവരും വിവാഹിതരായി
Recent Comments