മലയാളത്തിലെ താരപുത്രിമാരെ പ്രേക്ഷകര്‍ക്ക് മുഖവുര കൂടാതെ തന്നെ അറിയാന്‍ സാധിക്കും. ജയറാമിന്റെയും പാര്‍വതിയുടെയും മകളായ മാളവിക ജയറാം പ്രേക്ഷകര്‍ക്ക് പരിചിതയാണ്. അച്ഛനും അമ്മയ്ക്കും ചേട്ടനും പിന്നാലെയായി മാളവികയെന്ന ചക്കിയും സിനിമയിലെത്തിയേക്കുമെന്ന തരത്തിലുള്ള പ്രവചനങ്ങള്‍ നേരത്തെ നടന്നിരുന്നു. മികച്ച അവസരം ലഭിച്ചാല്‍ അത് സംഭവിക്കുമെന്ന് താരപുത്രി വ്യക്തമാക്കിയിരുന്നു. അനൂപ് സത്യന്‍ ചിത്രമായ വരനെ ആവശ്യമുണ്ട് ലേക്കായി മാളവിക ജയറാമിനെ ക്ഷണിച്ചിരുന്നു. സിനിമയുടെ കഥ കേട്ടപ്പോള്‍ തനിക്കിത് ചെയ്യാനാവുമോയെന്നറിയില്ലന്നും, സിനിമ ചെയ്യാനായി മാനസികമായി ഞാന്‍ റെഡിയായില്ലെന്നുമായിരുന്നു മാളവിക പറഞ്ഞത്. പിന്നീടാണ് ആ വേഷത്തിലേക്ക് കല്യാണി പ്രിയദര്‍ശന്‍ എത്തിയത്. മലയാളത്തില്‍ നിന്നും മാത്രമല്ല ജയം രവിയും ഇടയ്ക്ക് മാളവികയോട് അഭിനയിക്കുന്നോ എന്ന് ചോദിച്ചിരുന്നതായി ജയറാം പറഞ്ഞിരുന്നു. വൈകാതെ തന്നെ മകളുടെ അരങ്ങേറ്റമുണ്ടാവുമെന്നും അദ്ദേഹം പറഞ്ഞിരുന്നു.
അതേ സമയം സോഷ്യല്‍മീഡിയയില്‍ സജീവമായ മാളവിക പങ്കിടുന്ന വിശേഷങ്ങളെല്ലാം വൈറലായി മാറാറുണ്ട്. മോശം കമന്റുമായെത്തിയ ആള്‍ക്ക് താരപുത്രി നല്‍കിയ മറുപടി വൈറലായിക്കൊണ്ടിരിക്കുകയാണിപ്പോള്‍. ജയറാമിന്റെ മുതുകില്‍ കയറി ആന കളിക്കുന്ന ചക്കിയും കണ്ണനും, സോഷ്യല്‍മീഡിയയിലൂടെ നേരത്തെ തന്നെ വൈറലായ ചിത്രമായിരുന്നു ഇത്. കഴിഞ്ഞ ദിവസം മാളവിക ഈ ഫോട്ടോ ഇന്‍സ്റ്റഗ്രാമില്‍ പങ്കുവെച്ചിരുന്നു. ഇതേ വേഷത്തില്‍ വീണ്ടും ഈ ചിത്രം എടുക്കാമോയെന്നായിരുന്നു ഒരാള്‍ ചോദിച്ചത്. ഒരു കള്ളപ്പേരില്‍ മറഞ്ഞിരുന്ന് പറയാതെ താന്‍ ആരാണെന്ന് വെളിപ്പെടുത്തി എന്റെ മുഖത്ത് നോക്കി ഇത് പറയാമോയെന്നായിരുന്നു മാളവിക ചോദിച്ചത്.
മാളവിക വിവാഹത്തെക്കുറിച്ച് പറഞ്ഞ വാക്കുകള്‍ ഇങ്ങനെയാണ്. കുട്ടിക്കാലത്ത് വിവാഹത്തെക്കുറിച്ച് പല തരത്തിലുള്ള സങ്കല്‍പ്പങ്ങളുണ്ടായിരുന്നു. മുതിര്‍ന്നപ്പോള്‍ അതിലെല്ലാം മാറ്റങ്ങള്‍ വന്നു. നാണം എന്നൊരു സംഭവമേയില്ല. അച്ഛനൊപ്പം പരസ്യത്തില്‍ അഭിനയിച്ചപ്പോള്‍ ടെന്‍ഷനുണ്ടായിരുന്നു. കല്യാണപ്പെണ്ണായി നിന്നപ്പോള്‍ നാണമൊന്നും വന്നില്ല. പ്രൊപ്പോസലുകളൊക്കെ നേരത്തെ തന്നെ വന്നിരുന്നു. തമിഴ് ആണ്‍കുട്ടികളെയാണ് തനിക്കിഷ്ടമെന്നും വിദേശിയെ വിവാഹം ചെയ്യില്ലെന്നും മാളവിക പറഞ്ഞിരുന്നു.
ഒരു ജ്വല്ലറിക്ക് വേണ്ടിയുള്ള പരസ്യ ചിത്രത്തില്‍ മാളവികയും ജയറാമും ഒരുമിച്ചഭിനയിച്ചിട്ടുണ്ട്. സിനിമയില്‍ ഇതുവരെ അരങ്ങേറിയില്ലെങ്കിലും സോഷ്യല്‍ മീഡിയ പ്ലാറ്റ്ഫോമായ ഇന്‍സ്റ്റാഗ്രാമില്‍ സജീവ സാന്നിധ്യമാണ് മാളവിക ജയറാം. മാളവികയുടെ ചില ചിത്രങ്ങള്‍ സോഷ്യല്‍ മീഡിയയില്‍ വൈറലായതിനെ തുടര്‍ന്ന് മാളവികയുടെ സിനിമാ പ്രവേശനവുമായി ബന്ധപ്പെട്ട ചര്‍ച്ചകളും അടുത്തിടെ ചൂട് പിടിച്ചിരുന്നു.
Recent Comments