മലയാള ചലച്ചിത്രരംഗത്ത് നാല് പതിറ്റാണ്ടുകളായി സജീവമായി അഭിനയിച്ചു കൊണ്ടിരിക്കുന്ന വിസ്മയമാണ് മോഹന്‍ലാല്‍. രണ്ടു തവണ മികച്ച നടനുള്ളതടക്കം നാല് ദേശീയ ചലച്ചിത്ര പുരസ്‌കാരങ്ങള്‍ നേടിയ മോഹന്‍ലാല്‍ ജനഹൃദയങ്ങളുടെ നാട്ടുരാജാവാണ്. മലയാളത്തിനു പുറമേ തമിഴ്, ഹിന്ദി, തെലുഗു, കന്നഡ തുടങ്ങിയ ഭാഷകളിലുള്ള ചലച്ചിത്രങ്ങളിലും ലാല്‍ അഭിനയിച്ചിട്ടുണ്ട്. ഇന്ത്യന്‍ ചലച്ചിത്രങ്ങള്‍ക്ക് നല്‍കിയ സംഭാവനകള്‍ പരിഗണിച്ച് 2001-ല്‍ അദ്ദേഹത്തിന് പത്മശ്രീ പുരസ്‌കാരവും 2019 ല്‍ പത്മഭൂഷണ്‍ ബഹുമതിയും നല്‍കി ഭാരത സര്‍ക്കാര്‍ ആദരിച്ചിട്ടുണ്ട്. ടെലിവിഷന്‍ ഷോകളിലും സജീവമാണ് നമ്മുടെ ലാലേട്ടന്‍.
താരസംഘടനയായ അമ്മയുടെ പ്രസിഡന്റ് കൂടിയാണ് അദ്ദേഹം. അമ്മയുടെ പരിപാടികളിലെല്ലാം സജീവമാണ് മോഹന്‍ലാല്‍. അമ്മയുടെ ഷോയ്ക്കിടയില്‍ ഡാന്‍സ് ചെയ്യുമ്പോള്‍ മോഹന്‍ലാല്‍ വീണത് വലിയ വാര്‍ത്തയായിരുന്നു. നമിത പ്രമോദിനും ഹണി റോസിനും ഷംന കാസിമിനും ഇനിയയ്ക്കുമൊപ്പമായി ചുവടുവെക്കുകയായിരുന്നു അദ്ദേഹം. താനാണ് ആദ്യം വീണതെന്ന് ഹണി റോസ് പറയുന്നു. ഫ്ളവേഴ്സ് ഒരുകോടിയില്‍ അതിഥിയായി എത്തിയപ്പോഴായിരുന്നു ഹണി ഇതേക്കുറിച്ച് പറഞ്ഞത്. അപ്രതീക്ഷിതമായ വീഴ്ച. മോഹന്‍ലാലിനെ ഇടിച്ചിട്ടതല്ല ചെറുതായി മറിച്ചിട്ടതായിരുന്നു. നല്ല മഴയുള്ള സമയത്തായിരുന്നു പരിപാടി. ഫ്ളോര്‍ നനഞ്ഞിരിക്കുകയായിരുന്നു. എന്റെ ആദ്യത്തെ പരിപാടിയായിരുന്നു അത്. അതിന്റെ ടെന്‍ഷനിലായിരുന്നു ഞാന്‍. മറ്റുള്ളവരെല്ലാം അവിടെ വെള്ളമുണ്ട്, സൂക്ഷിക്കണമെന്നെല്ലാം പറയുന്നുണ്ടായിരുന്നു. ആ പാട്ട് കഴിയാറായിരുന്നു. ഒരു സൈഡില്‍ നിന്ന് ഓടിവന്ന് ഒരു മൂവ്മെന്റ് ചെയ്യാനുണ്ടായിരുന്നു.
ലാല്‍ സാര്‍ നടുവില്‍ നിന്ന് ഡാന്‍സ് ചെയ്യുന്നുണ്ടായിരുന്നു. ഞാന്‍ സൈഡില്‍ നിന്നും ഓടിവന്നതും സ്ലിപ്പായി വീണു. രണ്ടുമൂന്ന് സ്റ്റെപ്പടുത്തപ്പോഴായിരുന്നു വീണത്. അതാരും കണ്ടിരുന്നില്ല. ലാല്‍ സാറിന്റെ കാലിന്റെ ഇടയിലായിരുന്നു ഞാന്‍ വീണത്. അതോടെ അദ്ദേഹവും വീണു. അദ്ദേഹത്തിനെന്നല്ല ആര്‍ക്കും ഒന്നും മനസിലായിരുന്നില്ല. ഭൂമിയിലേക്കങ്ങ് താഴ്ന്ന് പോയാല്‍ മതിയെന്നായിരുന്നു എനിക്ക്. അത്രയ്ക്കും തകര്‍ന്നുപോയിരുന്നു. പെട്ടെന്ന് തന്നെ അദ്ദേഹം ചാടിയെഴുന്നേറ്റ് ആ പെര്‍ഫോമന്‍സ് കംപ്ലീറ്റ് ചെയ്തിരുന്നു. ഞങ്ങളെയെല്ലാം പിടിച്ച് എഴുന്നേല്‍പ്പിച്ചിരുന്നു. ഗ്രീന്‍ റൂമില്‍ പോയി ഞാന്‍ അദ്ദേഹത്തോട് സോറി പറഞ്ഞിരുന്നു. വെള്ളം ഉള്ളത് കൊണ്ടല്ലേ എനിക്കറിയാം. കുഴപ്പമില്ലെന്നായിരുന്നു അദ്ദേഹം പറഞ്ഞത്. മോഹന്‍ലാലിനെ മറിച്ചിട്ട നടി എന്ന തരത്തില്‍ സോഷ്യല്‍മീഡിയയില്‍ അത് വലിയ ചര്‍ച്ചയായിരുന്നു. ഇതിന്റെ സത്യാവസ്ഥയാണ് ഹണി റോസ് ഈ പരിപാടിയിലൂടെ പങ്കു വെച്ചത്.
Recent Comments